Leliphepha lehlukaniswe tigaba letintsatfu:
Labahlolwako balindzeleke kutsi baphendvule munye umbuto esigabeni A, munye esigabeni B namibili esigabeni C.
Cala leso naleso sigaba ekhasini lelisha udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako kusita labatawuhlola umsebenti wakho.
Caphelisisa sipelingi nendlela yekwakha imisho.
SIGABA A: INDZABA
Bhala indzaba ngasinye saletihloko letilandzelako ibe ngemagama lange-250 - 300.
Ematfuba latawuletfwa ngumdlalo wendzebe yemhlaba yelibhola letinyawo yanga-2010 esifundzeni sakitsi. [50]
NOBE
Imibiko lejabulisako nalejabhisako iye ifinyelele kumuntfu ngetindlela letehlukene. Bhala indzaba, ubhekise esitfombeni lesingentasi. Indzaba yakho yinike sihloko lesifanele.
NOBE
Bantfu nabafakwe etikhundleni babese basebentisa emandla abo kabi kufeza tinhloso tabo. Uyavumelana yini nalombono. [50]
NOBE 5. Bubi nebuhle betidzakamiva. [50] NOBE
Khetsa kunye kulokulandzelako ubhale ngako ngemagama lali-120 - 150.
Malume wakho longukapteni wesiteshi semaphoyisa ushonile emva kwekugula sikhatsi lesidze. Wena ucelwe ngumndeni kutsi ubhale umlandvo wakhe njengobe nilungiselela lusuku lwekumfihla. Bhala lomlandvomufi. [30]
NOBE
Egunjini lapho uhlala nemngani wakho khona ulahlekelwe yimali leti-R2 000,00. Ubone kukuhle kutsi umbute umngani wakho ngalesigameko. Bhala inkhulumomphendvulwano emkhatsini wakho nemngani wakho. [30]
NOBE
Lapho usebenta khona nisebenta ngaphansi kwesimo lesilukhuni nalesimatima. Emhlanganweni lenibenawo njengetisebenti nibone kuncono nibhale incwadzimbiko niyicondzise kubaphatsi nitikhalele ngalesimo. Bhala lencwadzimbiko. [30]
NOBE
Bewusebenta efemini wabese uyalimala emsebentini wangasakhoni kuchubeka usebente. Seloku walimala ifemu ayimange ikubonelele ngemali yekukukhalisa kulokulimala kwakho. Bhalela baphatsi befemu incwadzi ukhonone ngalesento sabo. [30]
SAMBA SIGABA B: 30
Khetsa kunye kulokulandzelako ubhale ngako ngemagama lali-80 - 100.
Uvule sitolo sefenisha lapho uhlala khona. Bhala sikhangisi kute watise sive ngalesitolo sakho. [20]
NOBE
YiNgongoni lapho wonkhe umuntfu atijabulisa khona njengoba kusikhatsi sakhisimusi. Ubone kukuhle kutsi nawe ujabulise labo lasebagugile esontfweni lakini ngekubentela lidzili lakhisimusi. Bhala likhadi lesimemo umeme bonkhe lesebaluphele esontfweni lakini. [20]
NOBE
Umongameli welive utawube avakashele esigodzini sakini. Kutawube [20] kunesibhimbi lesikhulu. Bhala inkhombandlela umlayele indlela kusuka edolobheni uze ufike ehholweni lapho lesibhimbi sitawube sikhona.
SAMBA SIGABA C: 20
SAMBA: 100
